«Салық және бюджетке төленетін басқа да міндетті төлемдер туралы» 2008 жылғы 10 желтоқсандағы № 100-IV Қазақстан Республикасы Кодексінің (Салық кодексі) 12-бабы 1-тармағының 29) тармақшасына сәйкес өткізу - сату, айырбастау, өтеусіз беру мақсатында тауарларды не өзге де мүлікті тиеп жіберу және (немесе) беру, жұмыстарды орындау және қызметтер көрсету, сондай-ақ кепілге салынған тауарларды кепіл ұстаушыға беру. 

Қазақстан Республикасы Азаматтық кодексінің (бұдан әрі – ҚР АҚ) 378-бабы 1-тармағына сәйкес екi немесе одан көп адамның азаматтық құқықтар мен мiндеттердi белгiлеу, өзгерту немесе тоқтату туралы келісімi шарт деп танылады.

ҚР АҚ-нің 506-бабы 1-тармағына сәйкес сыйға тарту шарты бойынша бiр тарап (сыйға тартушы) басқа тараптың (сыйды алушының) меншiгiне затты не өзiне немесе үшiншi тұлғаға мүлiктiк құқықты (талапты) тегiн бередi немесе беруге мiндеттенедi не оны үшiншi тұлғаның алдындағы мүлiктiк мiндеттен босатады немесе босатуға мiндеттенедi.

ҚР АК-нің 384-бабы 2-тармағына сәйкес бiр тарап екiншi тарапқа одан ақы алмай немесе ешнәрсе бермей бiр нәрсенi ұсынуды мiндетiне алған шарт ақысыз шарт болып табылады.

Салық кодексінің 180-1-бабы 1-тармағының 6) тармақшасына сәйкес жеке тұлғаның, сондай-ақ шағын бизнес субъектілері үшін арнаулы салық режімін қолданатын дара кәсіпкердің мүлікті өткізуі кезіндегі құн өсімінен түсетін табыс Қазақстан Республикасының аумағындағы мынадай мүлікті, осы тармақтың 1) - 4) тармақшаларында көрсетілген мүлікті қоспағанда, жылжымайтын мүлікті өткізу кезінде туындайды.

Салық кодексінің 180-1 бабы 2-тармағында егер осы баптың 3 - 7-тармақтарында өзгеше белгіленбесе, мүлікті өткізу бағасы (құны) мен оны сатып алу бағасы (құны) арасындағы оң айырма осы баптың 1-тармағының 1) - 7) тармақшаларында көрсетілген мүлікті өткізу кезінде құн өсімінен түсетін табыс болып табылатындығы белгіленген.

Айтылғандар негізінде, жеке кәсіпкер басқа жеке кәсіпкерге қайырымдылық шарты негізінде дүкенді ақысыз өткізеді, құн өсімі пайда болмайды. Мүлік табысын анықтау кезінде сыйлық туралы актіде көрсетілген құндылық ескерілмейтіндігін атап өткен жөн.

Бұл ретте оңайлатылған декларация негізінде арнайы салық режимін қолданатын және сыйлық дүкенін алған дара кәсіпкерлерге ақысыз алынған мүлік түріндегі табыс туындайды.

Шахтинск қаласы бойынша МКД