Мүлікті жария етудің пайдасы қандай?

Еліміздегі мүлікті жария ету шарасы 2016 жылдың 31 желтоқсанына дейін ұзартылғаны белгілі. Қазіргі уақытта еліміздің түкпір-түкпірінде аталмыш науқан қызу жүріп жатыр.

2015 жылдың 13 қарашасында Мемлекет басшысы мүлікті жария жніндегі Заңға енген өзгерістер мен толықтыруларды бекіткен болатын. Бұл ереже күшіне енген сәттен бастап ел аумағында ақша мен мүлікті жария етудің тәртібі айтарлықтай оңтайланды.

Мүлікті жария етудің пайдасы қандай? Біріншіден, жария етілген мүлік тәркілеуге жатпайды. Екіншіден, жария ету бойынша қылмыстық істер қозғауға тыйым салынады. Үшіншіден, жария ету субьектісінің берілгендері салықтық және банктік құпия болып табылады. Сондай-ақ шетелдегі мүлікті жария ету кезінде алынатын он пайыз мөлшеріндегі алым мемлекет бюджетіне түседі. Субъект қандай да бір жауапкершіліктерден босатылады.

Мүлікті заңдастыру үшін азаматтар жергілікті атқарушы органдардың жанындағы комиссияларға арыз және тиісті құжаттарды беру қажет. Мүлікті (ақшадан басқа) заңдастыру үшін төлем алынбайды.

Қарағанды облысы бойынша

Мемлекеттік кірістер Департаменті