Жеке тұлғалардың салық берешегі

Қарағанды облысы бойынша көлік құралдарына салынатын салық берешегі 2022 жылғы және өткен жылдар бойынша борыштар 1,1 млрд. теңгені құрайды.

Қазіргі уақытта салық органдары 4 210 салық бұйрығын шығарды, олар жеке сот орындаушыларының өңірлік палатасына мәжбүрлеп өндіріп алуға берілді, қазіргі уақытта ЖСО-да өндіріп алуда 576,5 млн. теңге сомасыға 7 817 салық бұйрық бар.

Жеке сот орындаушылары «Атқарушылық iс жүргiзу және сот орындаушыларының мәртебесi туралы» ҚР Заңы шеңберінде мынадай шараларды қабылдайды: мүлікке,  банктік шотқа тыйым салу, ҚР-дан тыс жерлерге шығуды шектеу және т. б.

Атқарушылық іс жүргізу шеңберінде ЖСО қызметіне ақы төлеу борышкердің қаражаты есебінен жүргізіледі және 3-тен 25%-ға дейінгі мөлшерде белгіленеді.

Сондай-ақ, берешек құрылған күннен бастап әрбір мерзімі өткен күн үшін өсімпұл есептеледі.

Департамент Қарағанды және облыс тұрғындарын портал kgd.gov.kz немесе «e-Salyq Azamat» мобильді қосымшасы арқылы салық берешегінің бар жоғын тексеруді және болған жағдайда өтеуге шақырады.