Көптеген салық төлеушілер тауарлардың электрондық саудадағы жеңілдіктеріне қызығушылық танытып, осыған байланысты сұрақтар туындайды:

Жеңілдіктер кімдерге қарастырылған?

Интернет арқылы электрондық саудасымен айналысатын салық төлеушілерге корпоративтік табыс салығы (жеке табыс салығы) бойынша жеңілдіктер беріледі.

Жеңілдіктер алу үшін не қажет?

Электрондық саудамен айналысатын тұлғаларға жеңілдіктер  алу үшін жеке кәсіпкер немесе заңды тұлға ретінде тіркелу керек және сол жерде орналасқан  Мемлекеттік  кірістер органдарына қызметтің жекелеген түрлерін жүзеге асыратын салық төлеуші ретінде қызметтің басталуы туралы хабарлама жіберу қажет. Сондай-ақ, келесі шарттарды сақтауы керек:

• Тауарды төлеу ақшасыз түрде жүзеге асырылуы тиіс;
• Келісім онлайн режимінде жасалуы тиіс;
• өзінің жеткізу қызметі болуы керек немесе тауарды тасымалдауды, жіберуді жүзеге асыратын тұлғамен шарт жасалуы тиіс.

Жеңілдіктер қандай мөлшерде беріледі және оны қалай есептей аласыз?

Интернеттегі сауда-саттықпен айналысатын тұлғалар корпоративтік табыс салығынан (жеке табыс салығы) 100% босатылады, сондай-ақ салық төлеу кезеңінде алынған салық төлеушінің жалпы жылдық кірісінің 90% -дан кем емес болуы тиіс.Сонымен қатар, ЖТС  қысқартуды 100% -ға қолдану үшін жалпыға ортақ салық режимін қолдану қажет.

АСР (арнайы салық режиміне) тіркелген  салық  төлеушілер жеңілдікті пайдалана алады ма?

Егер заңды тұлға, жеке кәсіпкер оңайлатылған декларация негізінде арнайы салық режимін қолданса, онда ол электрондық сауданы жүзеге асыратын салық төлеушілер үшін көзделген ЖТС-ты 100% - ға азайтуды қолдануға құқылы емес.

Интернеттегі саудада басқа да шарттар немесе шектеулер бар ма?

Жоқ. 

Бұдан басқа, тауарларды электронды саудада жіберу, тасымалдау, жеткізу жөніндегі қызметті жүзеге асыратын тұлғалар уәкілетті орган бекіткен тәртіпте, уақыт пен нысанда салық органының талабы бойынша ақпаратты ұсынады.