Салық Кодексінің 137 бабына сәйкес салық органдары салық төлеушілердің (салық агентінің) табыс еткен салықтық есептемелерінің деректері, уәкілетті мемлекеттік органдардан, жергілікті атқарушы органдардан алынған мәліметтер, сондай-ақ басқа да құжаттар және (немесе) салық төлеушінің (салық агентінің) қызметі туралы мәліметтер бойынша талдауды жүзеге асыруда.

         Осы аталған талдау қорытындысының негізінде 2019 жылдың 1 қаңтарынан бастап барлық салық төлеушілерді (салық агенті), олардың қызметін төменгі, орташа немесе жоғары тәуекелдер дәрежесіне жатқызу жолымен санаттау және салықтық әкімшілендірудің шараларын саралап қолдану енгізілуде.

         Салық Кодексінің 137 бабының 1 тармағында көрсетілген өлшемшарттарды қоспағанда, тәуекелді дәрежелерінің өлшемшарттары құпия ақпарат болып табылады. Құпия ақпарат болып есептелмейтін өлшемшарттар бойынша тәуекелдерді басқару жүйесін қолдану Тәртібі Қазақстан Республикасының Қаржы  Министрінің 2018 жылғы 20 ақпандағы №252 бұйрығымен бекітілген (Тәртіп).

         Құпия ақпарат болып табылмайтын өлшемшарттар:

салықтық жүктеме;

бір жұмыскердің орташа айлық жалақысы;

салықтық есептілікте көрсетілетін шығыстар мен кірістер сомасы;

қосылған құн салығы бойынша тіркеу есебінен шығарылған, оның ішінде таратылған,әрекетсіз банкрот болған тұлғалармен өзара есеп айырысуы бар салық төлеушілермен  мәмілелер;

салықтық есептілікте бірнеше салықтық кезең бойындағы залалдарды көрсету;

бұрын ұсынылған салықтық есептілікке бірнеше рет өзгерістер мен толықтырулар енгізу;

камералдық бақылау нәтижелері бойынша анықталған бұзушылықтар;

арнаулы салық режимдерін қолдану құқығын беретін, осы Кодексте белгіленген көрсеткіштердің шекті мәніне бірнеше рет жақындау;

салықтық мониторингке қатысу;

қосымша құн салығы бойынша бақылау шотын қолдану.

Яғни, Тәртіпке сәйкес, тәуекелді басқару жүйесінің нәтижесі бойынша, салық төлеушінің тәуекел дәрежесінің қай санатына жататыны туралы ақпарат 2019 жылдың 1 қаңтарынан бастап жылына 2 рет анықталады, «Салық төлеушілер Кабинеті» web –қосымшасына жүктеледі, ал аталған ақпарат 2019 жылдың 1 шілдесінен бастап ҚР ҚМ МКК ресми сайтында қол жетімді болады.

         Тәуекелдер дәрежесі туралы ақпаратпен бірге «Салық төлеушілер Кабинеті» web –қосымшасында тәуекелді басқару жүйесінде құпия ақпарат болып есептелмейтін есеп айырысулар орналастырылады.

         Қажет болған жағдайда, салық төлеушілер,  «Салық төлеушілер Кабинеті» web –қосымшасы арқылы көрсетілген өлшемшарттар бойынша (камералдық бақылау нәтижесі бойынша анықталған заң бұзушылықтар туралы хабарламалар бойынша түсініктемелерді алу және өңдеу) түсініктемелерді мемлекеттік кірістер органдарына жолдай алады.

         Қабылданған түсініктемелер мемлекеттік кірістер органдарымен тәуекелді басқару жүйесін қолданып дәлелденген жағдайда, салық төлеушіге өзгертілген мәліметтерді жолдай отырып, есепке енгізіледі.

Қарағанды қаласы бойынша МКБ