Сыртқы экономикалық қызметке қатысушылардың декларация тапсырғандағы шығындары қысқарды

«АСТАНА-1» ақпараттық жүйесінің арқасында сыртқы экономикалық қызметке қатысушылардың декларация тапсыруға жұмсалатын  шығындарын қысқартып, уақытын үнемдеп, қазынаның қосымша түсімдермен толығуына қол жеткізу мүмкін болды.

«АСТАНА-1» кедендік және салықтық әкімшілендірудің автоматтандырылған жүйесін енгізумен елімізде кедендік декларациялау 100% электронды түрде жүргізіледі, ол бизнес үшін де, мемлекет үшін де кедендік процестерді айтарлықтай оңайлатты.

Алғаш рет сыртқы экономикалық қызметке қатысушыларға кеңсесінен немесе үйінен шықпай-ақ, әлемнің кез келген нүктесінен кез-келген ыңғайлы уақытта қашықтықтан кедендік декларацияны өз бетінше қалыптастыру және тапсыру мүмкіндігі берілді.

Енді сыртқы экономикалық қызметке қатысушылар 1 декларация үшін құны 15 мыңнан 1 миллион теңгеге дейін құраған кеден брокерлерінің ақылы қызметтерінен бас тарту арқылы өз ақшаларын үнемдей алады.

Декларация автоматты түрде шығарылғандықтан, кедендік тазарту уақыты бұрын 1-2 күн болса, қазір 1 минутқа дейін қысқарып, уақытты айтарлықтай үнемдеді. Бұл технологияға сәйкес жүйе декларацияны дербес, кеденшінің қатысуынсыз шығаруды көздейді. Ол үшін декларанттың тәуекелдері болмай, жеке шотында ақшасы болуы керек.

Осылайша, «АСТАНА-1» ақпараттық жүйесі енгізілгеннен бері барлығы 4,3 миллионнан астам декларация өңделді, оның 3,5 миллионнан астамы немесе 82%-ы 1 минут ішінде шығарылды.

Бұл тауарларды уақытша сақтау қоймасына айырбастау уақыты келгенге дейін тазалауға және сақтау бойынша күніне орта есеппен 20-30 мың теңге құраған шығындарды қысқартуға мүмкіндік берді.

Бұдан басқа, мамандардың кедендік декларациялар айналымына қатысуын барынша азайтуға қол жеткізу есебінен тауарларды декларациялау үшін кедендік алымдар ставкасын тауарлар санына қатысты 1 декларация үшін 20 мың теңгеге дейін айтарлықтай төмендетуге қол жеткізілді. Бұрын алым ставкасы негізгі парақ үшін 25 мың теңгені және декларацияның қосымша парағы үшін 19 мың теңгені құрады, ал 1 декларацияның жалпы сомасы 25 мың теңгеден 6,3 миллион теңгеге дейін құбылды.

Кедендік процестерді автоматтандыру кедендік әкімшілендіру деңгейін арттыруға мүмкіндік берді.

Осылайша, «АСТАНА-1» ақпараттық жүйесінің арқасында 2018 жылдан бастап қазіргі уақытқа дейін мемлекет бюджетіне қосымша 114 миллиард теңгеден астам қаражат түсті.