Мүлікті жария ету дегеніміз не және ол не үшін жүргізілуде?

Мүлікті жария ету - табыстарды жасыру мақсатында заңды экономикалық айналымнан шығарылған мүліктер мен қаржыларды заңдастыру және жақын арадағы жылдарда табыстар мен мүліктерді жалпыға бірдей декларациялауға көшуге дайындық кезеңі.

Мүлікті жария етудің осы кезеңі  Қазақстан Республикасында 2017 жылдан бастап енгізілетін жалпыға бірдей декларациялаудың қарсаңындағы соңғы мүмкіндік.

2016 жылдың 1 желтоқсанына дейін жеке тұлға өзінің «көлеңкелі» жинағын жария етіп үлгерсе,  онда  декларациялау кезінде  кіріс көзі мен табу жолдары бойынша сұрақтар туындамайды. Ал ол тексеріс барысында анықталып қалса,  тиісті шаралар қолданылады.

Жария ету акциясында нені жария етуге болады және қайда жүгінеміз?

 Жергілікті атқарушы органдарда  - жылжымайтын мүліктер, үйлерді (құрылыстар, ғимараттар)жариялайды.  Құқықтары рәсімделмеген, ҚР аумағында орналасқан жылжымайтын мүлікті заңдастыру жергілікті Әкімшіліктер жанындағы комиссияға тиісті құжаттарды және бекітілген нысанға сәйкес өтініш табыс ету арқылы іске асырылады.

Мемлекеттік кірістер басқармаларында - шет мемлекетте тіркелген бағалы қағаздар, шет мемлекетте тіркелген заңды тұлғаның жарғылық капиталына қатысу үлесі, Қазақстан Республикасы аумағының шегiнен тыс жерлерде тұрған жылжымайтын мүлiктерді жария етеді. Ал ақшаға келер болсақ, ол туралы да бүгінгі күнде туындайтын сұрақтар болады. Қазақстанға өзінің қаражатын әкелген адамдар заңмен қудаланбайды. Ол салық төлеуін мүлік ретінде заңдастырады. Ал бизнес үшін жақсы жағы – активтерді кредит алу үшін қолдануға болады.

Екiншi деңгейдегi банктер  - ақша, банкте ашылған ағымдағы шотқа ақша салу және тұрғылықты жері бойынша Мемлекеттік кіріс органына арнайы декларацияны тапсыру арқылы, банк шотына ақшаны салмай  жария етілетін ақшаның сомасынан  алымды төлеу және тұрғылықты жері бойынша Мемлекеттік кіріс органына арнайы декларацияны тапсыру арқылы заңдастыруға мүмкіндігі бар.   

Заңдастыру акциясына қатысудан адамдар өздеріне қандай мүмкіндіктер алады?

Адамдарға объектілерін көрсетіп, өз еріктерімен заңдастыруға мүмкіндік беріліп отыр. Ол жалпыға бірдей декларациялауға дейін өзінің мүлкін заңдастырғанын көрсете алады.

Біріншіден, ақшасын заңдастырады. Екіншіден, ол мемлекет үшін де экономикалық актив ретінде пайдасын көрсетеді. Әр азамат өзінің активтерін заңды түрде қолдана алады. Активтер, кірістер, барлығы да елімізге әкелініп, экономикаға салынуы керек, әрі қарай кәсіпкер болса бизнесін дамыту керек.

Мемлекет бизнестен экономиканың өскенін, жұмыс орнының көбейгенін және салықтардың түсімдерінің артуын күтеді.

Жекешелендіру мен заңдастыру бұл еліміздің жағдайын жақсарту үшін бағытталған және алдағы уақытта өзінің оң нәтижесін береді.

Заңдастыру үшін құжаттарды қабылдау уақыты қанша күн ішінде болады?

Жергілікті әкімшіліктерде 30 жұмыс күні ішінде,егер заңдастыруға тапсырылатын құжаттар дұрыс болса, одан да ерте мерзімде қарастырып бітіре алады. Мемлекеттік кірістер басқармасында 5 жұмыс күнін қамтиды.

2016 жылдың соңында Заңдастыру акциясы аяқталады ма?

Қазақстанда жылжымайтын мүлікті заңдастыратын адамдар үшін, заңдастырудың соңғы уақыты 2016 жылдың 30-қарашасында аяқталады. Себебі ар жағында қарастыруға 1 ай қалу керек. Жылдың соңына дейін шетелдегі мүлік болса, қажетті құжаттарды 5 күннің ішінде тапсыру керек.

                                                         Жаңаарқа ауданы бойынша

Мемлекеттік кірістер басқармасы